പലായനം

നീ 
ഒരു മൗനത്തിന്റെ അകലത്തിൽ ജ്വലിക്കുന്ന പനിനീർപൂവ്

ഞാൻ 
നിന്നിലേക്കടണർന്നു വീണ് പ്രളയമാകാൻ കൊതിക്കുന്ന
ഒരു പുലർകാല മഞ്ഞു തുള്ളി

പ്രണയം 
കണ്ടിട്ടും കാണാതെ
അറിഞ്ഞിട്ടും അറിയാതെ
കാലത്തിന്റെ തിരശ്ശീലകൾക്കിടയിലുള്ള
ഒളിച്ചു കളി


പലായനം
ഒഴുക്കിനെതിരെ നീന്തിയെത്തിയില്ല.
നക്ഷത്രങ്ങൾ വഴികാട്ടാനുണ്ടായിരുന്നില്ല.
വെളിച്ചമായി നിലാവുണ്ടായിരുന്നില്ല.
പാറക്കെട്ടുകൾ  പ്രഹരങ്ങളേകി.

തീവെയിലിന്റെ ഒരു പകൽ,  പക്ഷെ
എനിക്കായ് കാത്തു നിന്നു.